ગાય કે ભેંસમાં IVFથી ગર્ભધારણ માટે સરકાર પશુપાલકોને 20 હજાર આપશે : જાણો કોને, ક્યારે અને કેવી રીતે?

ગાય કે ભેંસની ઉત્પાદકતા વધે અને ટાકાઉ રીતે દૂધ ઉત્પાદનમાં વધારો મેળવી પશુપાલકોને આર્થિક રીતે વધુ સમૃદ્ધ થાય તે માટે ગુજરાત સરકારે મહત્ત્વનો નિર્ણય કર્યો છે. પશુઓમાં IVFથી ગર્ભધારણ માટે રાજ્યના પશુપાલકોને પ્રતિ ગર્ભાવસ્થા માટે રૂપિયા 20 હજારની સહાય અપાશે

ગુજરાતમાં પશુપાલકોને IVF (In Vitro Fertilization) માટે આર્થિક સહાય આપવાની શરૂઆત થઇ છે. IVF પધ્ધતિ દ્વારા પશુઓમાં ગર્ભધારણ કરવાનો ખર્ચ અંદાજે રૂ.21 હજાર જેટલો થાય છે. આ માટે ભારત સરકાર દ્વારા રૂ.5 હજાર, રાજ્ય સરકાર દ્વારા રૂ.5 હજાર, જીસીએમએમએફ દ્વારા રૂ.5 હજાર અને જે-તે જીલ્લાના દૂધ સંઘ દ્વારા રૂ.5 હજાર એમ કુલ રૂ.20 હજાર સુધીની સહાય મળવાપાત્ર છે.

પશુઓમાં IVF ગર્ભધારણ યોજનાનો લાભ પશુપાલન વિભાગ દ્વારા લાભ આપવામાં આવે છે.

આ યોજનાનો લાભ મેળવવા માટે Ikhedut Portal પરથી ઓનલાઈન અરજી કરવાની રહેશે.

પશુઓમાં IVF ગર્ભધારણ મેળવવા માટે અહીં ક્લિક કરો